Lögreglan í Las Vegas er með nauðungarmál Kathryna Mayorga gegn Cristiano Ronaldo til rannsóknar og hefur farið fram á að lífsýni verði tekið úr portúgölsku stórstjörnunni og sent til Bandaríkjanna.
Meinta nauðgunin á að hafa átt sér stað á hóteli í Las Vegas í júní 2009, skömmu áður en Ronaldo skipti úr Manchester United til Real Madrid.
Mayorga er sögð hafa kært Ronaldo til lögreglu samdægurs en hún hafi dregið kæruna til baka skömmu síðar gegn greiðslu. Þá skrifaði hún undir trúnaðarsamning en rauf hann þegar hún byrjaði að tala um málið opinberlega í fyrra.
Ronaldo neitar því að um nauðgun hafi verið að ræða og segir lögfræðiteymi hans að nánast öll skjöl sem hafa birst í fjölmiðlum í tengslum við málið séu fölsuð.
Athugasemdir
