Íslenska landsliðið er við æfingar í Katar en í dag var síðasta æfing liðsins fyrir leik gegn Svíþjóð sem fram fer á morgun, föstudag.

Leikurinn verður spilaður á Khalifa leikvangnum glæsilega og hefst 16:45 að íslenskum tíma.

Hér má sjá myndir frá æfingunni í dag en hún fór fram við hlið Ali Bin Hamad al-Attiyah handboltahallarinnar sem notuð var á HM 2015.

Leikmenn voru í góðum gír á æfingunni og allir tóku þátt, Kolbeinn Birgir Finnsson þar á meðal en hann kom aðeins seinna til Katar vegna leiks sem hann spilaði á Englandi.