fim 10. janúar 2019 23:27
Ívan Guðjón Baldursson
Sky: Everton vill kaupa Batshuayi
Mynd: Getty Images
Greint var frá því fyrr í dag að Valencia hefur ákveðið að senda sóknarmanninn Michy Batshuayi aftur til Chelsea en hann kom á lánssamningi á upphafi tímabils.

Batshuayi tókst aldrei að brjóta sér leið inn í byrjunarlið Valencia sem ákvað að skila honum. Hann fékk aðeins að byrja fjóra deildarleiki á fyrri hluta tímabils en kom þó við sögu í fimmtán leikjum af átján, en skoraði aðeins eitt mark.

Sky heldur því fram að Everton hafi mikinn áhuga á Batshuayi en vilji ekki fá hann á láni. Chelsea er hins vegar aðeins talið vilja lána hann út.

Belginn er metinn á um 30 milljónir punda en Chelsea gæti beðið um meiri pening fyrir hann eftir að hann skoraði níu mörk í fjórtán leikjum með Borussia Dortmund á síðasta tímabili
Athugasemdir
banner
banner
banner
banner