Özil gæti verið á förum í mánuðinum og hefur meðal annars verið orðaður við DC United í MLS deildinni og Fenerbahce í Tyrklandi. Bróðir Özil hefur bætt bensíni á eldinn með myndbirtingu á Instagram, þar sem hann birti merki Fenerbahce í 'story'.

Özil er 32 ára gamall og hefur ekki verið uppá sitt besta í nokkur ár en hann gæti fundið gleðina aftur í Tyrklandi. Hann og Recep Erdogan, umdeildur forseti Tyrklands, eru góðir félagar.

Özil er heimsþekktur í knattspyrnuheiminum eftir að hann lét ljós sitt skína með Real Madrid og þýska landsliðinu.