Lazio heimsótti Parma og var staðan markalaus þrátt fyrir mikkla yfirburði Lazio, allt þar til Luis Alberto skoraði loks á 55. mínútu.

Felipe Caicedo tvölfadaði forystuna tólf mínútum síðar og var sigur Lazio ekki í hættu.

Napoli átti þó talsvert flóknari leik gegn Udinese þar sem Lorenzo Insigne skoraði úr vítaspyrnu eftir korter og jafnaði Kevin Lasagna skömmu síðar.

Heimamenn spiluðu flottan bolta og voru betri stóran hluta leiksins en það voru gestirnir frá Napolí sem stóðu uppi sem sigurvegarar. Tiemoue Bakayoko gerði sigurmarkið á 90. mínútu.

Napoli er í fimmta sæti eftir sigurinn, með 31 stig eftir 16 umferðir. Lazio er með 28 stig.

Að lokum hafði Verona betur gegn nýliðum Crotone og er spútnik liðið nálægt Evrópubaráttunni, með 27 stig.

Parma 0 - 2 Lazio
0-1 Luis Alberto ('55 )
0-2 Felipe Caicedo ('67 )

Udinese 1 - 2 Napoli
0-1 Lorenzo Insigne ('15 , víti)
1-1 Kevin Lasagna ('27 )
1-2 Tiemoue Bakayoko ('90 )

Verona 2 - 1 Crotone
1-0 Nikola Kalinic ('16 )
2-0 Federico Dimarco ('25 )
2-1 Junior Messias ('55 )