B- og C-riðlar Afríkukeppninnar hefjast í dag en Senegal mætir Simbabve klukkan 13:00 á meðan Marokkó og Gana eigast við í öflugum leik.
Kundai Benyu, leikmaður Vestra, er í hópnum hjá Simbabve sem mætir stjörnum prýddu liði Senegal. Sadio Mane, Kalidou Koulibaly, Ismaila Sarr og Edouard Mendy eru allir í hópnum.
Gínea spilar við Malaví í síðari leiknum og á sama tíma hefst C-riðillinn þar sem Marokkó spilar við Gana. Bæði lið eru með gríðarlega sterka leikmannahópa og verður fróðlegt að fylgjast með þeim leik.
Pierre-Emerick Aubameyang mætir ferskur í hópinn hjá Gabon en hann hefur ekkert spilað með Arsenal síðustu vikur eftir að Mikel Arteta tók hann úr hópnum.
B-riðill:
13:00 Senegal - Simbabve
16:00 Gínea - Malaví
C-riðill:
16:00 Marokkó - Gana
19:00 Kómoroeyjar - Gabon
Athugasemdir