Það er ansi áhugaverður leikur í FA-bikarnum á þessu mánudagskvöldi. Liverpool goðsögnin Steven Gerrard fer með sína drengi í Aston Villa á Old Trafford þar sem þeir munu spila gegn Manchester United.
Það hefur ekki verið sérstaklega jákvætt andrúmsloft í kringum Man Utd upp á síðkastið og er óánægjan sögð mikil í leikmannahópnum.
Cristiano Ronaldo er ekki alveg nægilega sáttur með hvernig hefur gengið hjá liðinu og er hann sagður íhuga framtíð sína. Hann er ekki með United í kvöld.
Ralf Rangnick er annars ekki að hvíla mikið; hann byrjar með leikmenn sem hafa spilað mikið á tímabilinu. Harry Maguire er fjarri góðu gamni vegna meiðsla og þá er enginn Dean Henderson í hóp. Markvörðurinn er sagður vilja komast frá Man Utd.
Aston Villa byrjar líka með sterkt lið og verður hart barist á Old Trafford um sæti í fjórðu umferð bikarkeppninnar. Sigurliðið spilar við Middlesbrough í næstu umferð.
Byrjunarlið Man Utd: De Gea, Dalot, Lindelof, Varane, Shaw, McTominay, Fred, Greenwood, Fernandes, Rashford, Cavani.
(Varamenn: Heaton, Telles, Wan-Bissaka, Diallo, Lingard, Mata, Matic, Van de Beek, Elanga)
Byrjunarlið Aston Villa: Martinez, Cash, Konsa, Mings, Targett, McGinn, Luiz, Ramsey, Buendia, Ings, Watkins.
(Varamenn: Steer, Sinisalo, Hause, Sanson, Iroegbunam, Chukwuemeka, Philogene-Bidace, El Ghazi, Archer)
Athugasemdir