sun 10. febrúar 2019 17:28
Ívan Guðjón Baldursson
Aguero búinn að jafna þrennumet Alan Shearer
Mynd: Getty Images
Sergio Agüero var rétt í þessu að skora þrennu á fyrsta klukkutímanum gegn Chelsea, ekki ósvipað og hann gerði gegn Arsenal um síðustu helgi.

Manchester City er 5-0 yfir þegar 20 mínútur eru eftir af venjulegum leiktíma og er Gabriel Jesus kominn á völlinn í stað Aguero.

Þetta var ellefta þrenna Aguero í úrvalsdeildinni og er hann þar með búinn að jafna met Alan Shearer, sem gerði ellefu þrennur á tíma sínum í enska boltanum.

Þetta er merkilegt afrek hjá Aguero sem gekk í raðir Man City sumarið 2011, eða fyrir næstum því 8 árum. Til samanburðar var Shearer úrvalsdeildarleikmaður í 14 ár.











Athugasemdir
banner
banner
banner
banner