Franska liðið Nantes leikur sinn fyrsta leik í dag eftir að andlát Emiliano Sala var staðfest í vikunni.
Emiliano Sala var í flugvélinni sem að hrapaði yfir Ermasundi þann 21. janúar síðastliðin ásamt flugmanni vélarinnar, David Ibbotson. Líkamsleifar Ibbotson eru enn ófundnar.
Nantes leikur við Nîmes í dag og hefst leikurinn klukkan tvö. Búningar Nantes í leiknum verða svartir til minningar um Sala sem var í miklum metum hjá stuðningsmönnum liðsins.
Hann var búinn að skora þrettán mörk á tímabilinu.
Félagið hefur einnig brugðið á það ráð að miðaverðið á leikinn í dag verði það sama, óháð í hvaða sæti. Allir borga níu evrur fyrir miðann sinn en Sala lék í treyju númer 9.
FC Nantes will wear a black kit today vs. Nîmes in honour of Emiliano Sala who was confirmed to have passed away this week. pic.twitter.com/rzqdTqBfik
— Get French Football News (@GFFN) February 10, 2019
Athugasemdir