sun 10. febrúar 2019 21:38
Ívan Guðjón Baldursson
Spánn: Börsungar heppnir að ná stigi í Bilbao
Mynd: Getty Images
Athletic Bilbao 0 - 0 Barcelona

Barcelona heimsótti Athletic Bilbao í kvöld og gat aukið forystu sína á toppi spænsku deildarinnar eftir tap Atletico Madrid í gær.

Leikurinn spilaðist þó alls ekki eins og Börsungar höfðu ætlað sér og voru heimamenn í Bilbao betri stóran hluta leiksins.

Barca hélt boltanum vel innan liðsins en vörn Athletic opnaðist ekki og voru heimamenn stórhættulegir í sínum eigin sóknaraðgerðum.

Börsungar geta þakkað Marc-Andre ter Stegen fyrir að hafa haldið hreinu og bjargað stigi í kvöld.

Barcelona er með sex stiga forystu á Real Madrid í toppbaráttunni á meðan Athletic Bilbao er í neðri hluta deildarinnar, fjórum stigum frá fallsæti.
Athugasemdir
banner
banner
banner