Inter var 2-0 undir í hálfleik og virtist ekki eiga leið á að koma til baka en Marcelo Brozovic og Matias Vecino skoruðu báðir á þriggja mínútna kafla og Inter var komið inn í leikinn. Stefan de Vrij og Romelu Lukaku sáu svo til þess að sigla sigrinum heim.

„Ég þurfti ekki að segja mikið í hálfleik. Þegar þú ert í erfiðri aðstöðu þá þarf að taka ábyrgð og það var að mestu mér að kenna að við vorum 2-0 undir í hálfleik," sagði Conte.

„Það var mikil samheldni í liðinu frá fyrstu mínútu til þeirrar síðustu og við náðum að laga stöðuna. Við þurfum að muna eftir þessu kvöldi því það mun hjálpa okkur sem lið í framtíðinni þegar við lendum í svipaðri stöðu," sagði Conte í lokin.