Enska knattspyrnusambandið er að rannsaka myndband sem Dele Alli, leikmaður Tottenham Hotspur, deildi á Snapchat á laugardag.
Enski landsliðsmaðurinn var á flugvelli í Dúbaí er hann tók myndbandið en hann var þar með grímu og sótthreinsandi handáburð til að koma í veg fyrir að smitast af kóróna-veirunni.
Því næst ákvað han að beina myndavélinni að asískum manni sem var á flugvellinum en hann sendi myndbandið sem var síðan lekið á samskiptamiðla.
Hann hefur beðist afsökunar á myndbandinu en sætir nú rannsókn frá enska knattspyrnusambandinu.
Það er möguleiki á því að hann fái eins leiks bann og sekt fyrir atvikið, líkt og Bernardo Silva fékk fyrir tíst um Benjamin Mendy á síðasta ári.
Athugasemdir