Zlatan, sem er 38 ára gamall, kom til Milan í janúar og gerði samning út tímabilið en hann skoraði og lagði upp mark í fyrri hálfleik gegn Inter en í þeim síðari skoraði Inter fjögur og lokaði sigrinum.

„Það er erfitt að útskýra hvað gerðist. Við töluðum saman í hálfleik og vissum að fyrstu fimmtán mínúturnar yrðu mikilvægar og það var akkurat á þeim kafla sem við fáum tvö mörk á okkur," sagði Zlatan.

„Við hættum að spila og liðið hætti að hafa trú. Við hættum að pressa og spiluðum ekki boltanum nægilega mikið. Eftir jöfnunarmarkið þá hrundi allt," sagði hann í lokin.

Zlatan hefur skorað 3 mörk og lagt upp eitt í sex leikjum með Milan.