Evrópa í dag - Inter og Fiorentina mætast aftur

Fiorentina vann óvænt þegar liðin áttust við síðasta fimmtudag og fá Ítalíumeistararnir tækifæri til að svara fyrir sig í kvöld.

Inter er í öðru sæti sem stendur, fjórum stigum á eftir toppliði Napoli og með leikinn í kvöld til góða. Fiorentina getur aftur á móti klifrað upp í fjórða sæti deildarinnar með öðrum sigri í röð gegn Inter.

Albert Guðmundsson var ónotaður varamaður í fyrri leiknum en gæti komið við sögu í kvöld.

Á sama tíma eigast Mallorca og Osasuna við í efstu deild á Spáni.

Liðin mætast í spennandi slag þar sem þau eru jöfn á stigum um miðja deild, með 30 stig eftir 22 umferðir. Liðin eru fimm stigum frá Evrópusæti og því verður hart barist í kvöld.

Serie A
19:45 Inter - Fiorentina

La Liga
20:00 Mallorca - Osasuna