B71 sem leikur undir stjórn Heiðars Birnis Þorleifssonar er komið áfram í 8-liða úrslit færeysku bikarkeppninnar. Brynjar Óli Bjarnason er einn af leikmönnum liðsins.
B71 lagði ÍF frá Fuglafirði í 16-liða úrslitunum í kvöld. Mark hins fertuga Brasilíumanns Clayton Soares skildi liðin að.
Heiðar tók við B71, sem rétt slapp við fall úr B-deild, í desember siðastliðnum. Félagið á áhugaverða sögu að baki og hefur bæði unnið efstu deild og bikar á síðustu 30 árum.
Heiðar, sem er fertugur, hefur starfað hjá Val, Dalvík/Reyni, Þrótti og KR hér á landi.
Fyrr í dag sögðum við frá því að Heimir Guðjónsson hafði betur í baráttunni gegn Guðjóni Þórðarsyni. Þeir mættust með lið sín, HB og NSÍ, og hafði HB betur.
Athugasemdir