Guðni Bergsson, formaður KSÍ, er ánægður með hvernig ferðalagið á HM í Rússlandi gekk. Íslenska liðið mætti til Gelendzhik í gær eftir ferðalag frá Íslandi.
„Ferðalagið var þægilegt og það var vel séð um okkur í vélinni. Hótelið er mjög fínt og öll aðstaða. Andinn í hópnum er mjög góður og þetta hefur farið mjög vel af stað," sagði Guðni fyrir fyrstu æfingu landsliðsins í Gelendzhik í dag.
„Ferðalagið var þægilegt og það var vel séð um okkur í vélinni. Hótelið er mjög fínt og öll aðstaða. Andinn í hópnum er mjög góður og þetta hefur farið mjög vel af stað," sagði Guðni fyrir fyrstu æfingu landsliðsins í Gelendzhik í dag.
Ísland mætir Argentínu í fyrsta leik á HM á laugardag en auk þessara þjóða eru Króatía og Nígería í D-riðli.
„Þetta er erfiður riðill og við vitum að þetta eru hörkulið. Það er okkar að líta inn á við, passa upp á að standa okkur og spila skipulega af bestu getu taktískt séð. Ef við spilum upp á okkar styrkleika þá hef ég góða trú á að við komumst upp úr þessum riðli."
Hér að ofan má sjá viðtalið í heild sinni.
Athugasemdir