Æfingasvæði Íslands í Gelendzhik er glæsilegt en það var búið til sérstaklega fyrir landsliðið.

„Það var eins og það hefði verið hent sprengju hér inn á sínum tíma þegar við skoðuðum völlinn. Okkur leist vel á hvað þeir voru að plana og áætluðu að gera og hafa uppfyllt allt sem þeir sögðust ætla að gera. Það var gamalt gervigras sem var verið að rífa af þegar við komum fyrst hingað. Þeir tóku allt í gegn og þetta stóðst allt."

Brottför íslenska landsliðsins tafðist í gær eftir að Heimir Hallgrímsson, landsliðsþjálfari, setti töskuna sína óvart í ranga rútu. Sú rúta var á leið í Stykkishólm en ekki í Leifssötð.

„Þetta var óvanalegt hjá honum því tölvan hans var í töskunni. Ég hef aldrei séð hann utan æfinga án tölvunnar," sagði Helgi.

„Öll hans vinnan undanfarin 18 ár er í þessari tölvu. Það þyrfti þrjú ár til að fylla þennan gagnabanka. Lífið hans er í tölvunni."

Hér að ofan má sjá viðtalið í heild sinni en þar talar Helgi meðal annars um það hversu mikið er að gera hjá starfsfólki landsliðsins fyrstu dagana í Rússlandi.