Mikið hefur verið rætt og ritað um samband þeirra tveggja en það hefur lengi verið talið að samband þeirra sé slæmt og hefur verið frá því Griezmann kom til Barcelona frá Atlético Madríd árið 2019.

Griezmann segir þó ekkert hæft í þessum sögusögnum og að þeim komi afar vel saman.

„Samband okkar er gott. Við náum vel saman. Við skrifumst stundum á og tölum mikið saman á æfingum," sagði Griezmann við L'Equipe.

„Það er augljóslega mjög auðvelt að spila með honum. Þú sendir honum melónu og hann breytir henni í kavíar. Það er ekki mikil pressa þegar við sendum boltann á hann."

„Hlutirnir verða betri og betri. Þetta ár var svolítið flókið því það var mikið um meiðsli og við spiluðum kerfi þar sem allir leikmennirnir voru kannski ekki að spila í réttum stöðum en við hefjum nýtt tímabil með nýjum leikmönnum og þá verða hlutirnir betri," sagði hann ennfremur.