Meistarar síðustu sjö ára í Skotlandi, Celtic völtuðu yfir Alashkert frá Armeníu í kvöld, í 1. umferð forkeppni Meistaradeildarinnar.
Liðin mættust í Armeníu og var Celtic einum of stór biti fyrir andstæðing sinn. Leikurinn endaði 3-0 fyrir Celtic og skoruðu Odsonne Edouard, James Forres og Callum McGregor fyrir Celtic.
Celtic er því svo gott sem komið í 2. umferð.
Í 2. umferð gæti mótherjinn verið Íslandsmeistarar Vals. Valur spilar við Noregsmeistara Rosenborg á morgun í fyrri leik liðanna. Leikurinn fer fram á Hlíðarenda, á Origo-vellinum.
Leikur Vals og Rosenborg hefst klukkan 20:00 og er sýndur beint á Stöð 2 Sport.
Hann verður einnig í beinni textalýsingu hér á Fótbolta.net.
Athugasemdir