Húðflúrið er risastórt á brjóstkassanum á Matt.
Harry Maguire hefur slegið í gegn með enska landsliðinu á HM í Rússlandi en hann skoraði fyrra markið í sigrinum á Svíum í 8-liða úrslitunum um helgina.
Á EM fyrir tveimur árum var enska landsliðið langt frá huga Maguire en hann var þá á mála hjá Hull.
Góð frammistaða hans með Hull varð til þess að Leicester keypti hann í fyrra og þar hefur ævintýrið haldið áfram.
Maguire ólst upp í Sheffield og hóf meistaraflokksferil sinn með Sheffield United.
Matt Benton, frá Sheffield, ákvað að ganga skrefi lengra í aðdáun sinni og setja húðflúr af andliti Maguire á brjóstkassann á sér.
Matt birti mynd á Twitter af verkinu en myndin er hér til hliðar.
„Trúi ekki því sem ég er að sjá. Frábærlega gert," sagði Maguire sjálfur á Twitter þegar hann sá verkið.
Maguire ætlar einnig að senda Matt áritaða enska landsliðstreyju fyrir húðflúrið.
Sjálfur hefur Maguire vakið athygli á Twitter á meðan á mótinu stendur eins og sjá má á þessari mynd sem hann birti eftir leik gegn Svíum.
“Can you ask the neighbours to put the bins out on Monday? We’re not going home just yet” 🏴 pic.twitter.com/s1g3P3jj34
— Harry Maguire (@HarryMaguire93) July 8, 2018
Athugasemdir
