„Við vorum sterkari í fyrri hálfleik, en í seinni hálfleik settu þær mikla pressu á okkur og það var virkilega erfitt. Það sést svolítið á okkar liði að við erum búnar að fara í gegnum erfiðan kafla og það vantar svolítið sjálfstraust í liðið," sagði Ian Jeffs, þjálfari ÍBV, eftir sigur á Selfossi í Vestmannaeyjum í kvöld.
„Ég var gríðarlega ánægður með baráttuna og karakterinn sem við sýndum í seinni hálfleik til að klára þetta og halda hreinu."
ÍBV er með 11 stig í Pepsi-deild kvenna eftir þennan sigur og situr í fimmta sætinu.
Aðspurður um hverjir myndu verða Heimsmeistarar svaraði Ian Jeffs á léttu nótunum. „England. It’s coming home."
England spilar við Króatíu í undanúrslitum HM á morgun.
Viðtalið við Jeffsy er í heild sinni hér að ofan.
Athugasemdir