England er komið í undanúrslit á HM í fyrsta skiptið í 28 ár eftir þægilegan 2-0 sigur á Svíum á laugardag.

Króatar standa í vegi Englendinga og fyrsta úrslitaleik þjóðarinnar á HM frá árinu 1966 en Redknapp segir að ljónin þrjú séu jafngóðir og Króatarnir.

„Ég hef horft mikið á Króatíu og það er lið með gæði en ættum við að vera hræddir við þá? Alls ekki," sagði Redknapp.

„Þegar litið er á leikmenn liðanna þá finnst mér við vera jafn góðir og þeir. Þetta verður mjög erfitt og gæti orðið leikur smáatriðanna. Þetta gæti jafnvel farið í vítaspyrnukeppni sem yrði hrikalega stressandi fyrir þjóðina en við getum unnið þennan leik."

„Allir eru stoltir af því sem þeir hafa afrekað hingað til og þeir hafa ekkert að óttast gegn Króötum."