Íslenski landsliðsmaðurinn Birkir Már Sævarsson fór ekki með Val í leikinn gegn Sheriff frá Moldavíu í Evrópudeildinni í gær.
Birkir var í leikbanni og var því eftir heima á Íslandi. Birkir æfði á meðan með liði KH sem er í toppbaráttunni í 3. deildinni.
Ingólfur Sigurðsson segir frá þessu í skemmtilegri færslu á Twitter í dag.
Innan við tveir mánuðir eru síðan að Birkir var í eldlínunni á HM
þar sem hann mætti meðal annrs Lionel Messi.
Færslan hjá Ingólfi er hér að neðan.
Þessi mynd var tekin fyrir tæpum tveimur mánuðum. Birkir Már var í leikbanni hjá Val í Evrópukeppni í vikunni og bað um að æfa með 3. deildarliði KH til að halda sér í formi. Lagði sig 100% fram á æfingu og hrósar strákunum fyrir hve góðir þeir eru. Einstakur karakter. pic.twitter.com/dJTaCLVfEG
— Ingólfur Sigurðsson (@ingolfursig) August 10, 2018
Athugasemdir