Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fös 10. ágúst 2018 07:30
Ívan Guðjón Baldursson
Courtois vill fá Eden Hazard til Real Madrid
Courtois og Hazard hafa unnið nokkra titla saman.
Courtois og Hazard hafa unnið nokkra titla saman.
Mynd: Getty Images
Thibaut Courtois vildi ólmur losna frá Chelsea eftir að hann var valinn besti markvörður heimsmeistaramótsins í sumar er hann hjálpaði Belgum að landa bronsverðlaunum.


Courtois frétti af áhuga Real Madrid á sér og þegar Chelsea gerði sig líklegt til að hafna tilboði fór hann í verkfall og mætti ekki á æfingar þrátt fyrir að vera kominn heim úr sumarfríinu.

Real vildi einnig fá liðsfélaga Courtois í landsliðinu Eden Hazard til sín en Chelsea harðneitaði að selja kantmanninn knáa sem fór þó ekki í verkfall líkt og samlandi sinn.

Courtois kostaði um 35 milljónir punda og var kynntur sem leikmaður Real í gær og var spurður út í framtíð Eden Hazard á sínum fyrsta fréttamannafundi.

„Eden er stórkostlegur leikmaður og ég vil hafa hann með mér í liði. Það væri frábært að fá hann hingað einn daginn," sagði Courtois.

„Hann elskar að vinna titla og hann veit að Real Madrid elskar líka að vinna titla."
Athugasemdir
banner
banner
banner
banner