Fyrsta umferð enska úrvalsdeildartímabilsins 2018/19 hefst með áhugaverðri viðureign Manchester United gegn Leicester City í kvöld.
Spennandi verður að sjá nýja leikmenn leika listir sínar á vellinum en Leicester bætti sjö mönnum við sig í sumar á meðan Rauðu djöflarnir nældu sér aðeins í þrjá, við litla hrifningu Jose Mourinho.
Glugginn gekk ekki mikið betur hjá Newcastle þar sem Rafa Benitez fékk gífurlega lítinn pening í leikmannakaup og seldi fyrir meira en hann keypti. Rafa og lærisveinar hans taka á móti Tottenham, sem varð í gær fyrsta úrvalsdeildarfélagið til þess að fá ekki einn einasta leikmann til sín í sumarglugganum.
Aron Einar Gunnarsson og félagar í Cardiff heimsækja svo Bournemouth á meðan nýliðar Fulham sem kræktu í fimm nýja leikmenn í gær taka á móti Crystal Palace.
Chelsea mætir Huddersfield í beinni, Watford spilar við Brighton og nýliðar Wolves ljúka deginum gegn Everton sem hefur styrkt hópinn sinn talsvert í sumar.
Liverpool fær West Ham í heimsókn á sunnudaginn á meðan Jóhann Berg Guðmundsson og félagar í Burnley heimsækja Southampton.
Síðasti leikur helgarinnar er risaslagur þar sem Englandsmeistarar Manchester City heimsækja Arsenal á Emirates leikvanginn.
Föstudagur:
19:00 Man Utd - Leicester (Stöð 2 Sport)
Laugardagur:
11:30 Newcastle - Tottenham (Stöð 2 Sport)
14:00 Bournemouth - Cardiff
14:00 Fulham - Crystal Palace
14:00 Huddersfield - Chelsea (Stöð 2 Sport)
14:00 Watford - Brighton
16:30 Wolves - Everton (Stöð 2 Sport)
Sunnudagur:
12:30 Liverpool - West Ham (Stöð 2 Sport)
12:30 Southampton - Burnley
15:00 Arsenal - Man City (Stöð 2 Sport)
Athugasemdir