Finnski landsliðsmaðurinn Pyry Soiri hefur samið við Admira Wacker í úrvalsdeildinni í Austurríki.
Stuðningsmenn íslenska landsliðsins kannast vel við Soiri en hann varð að þjóðhetju á Íslandi föstudagskvöldið 13. október í fyrra þegar hann skoraði jöfnunarmark Finna í útileik gegn Króatíu í undankeppni HM.
Markið átti stóran þátt í því að Ísland vann riðil sinn í undankeppni HM og tryggði sér farseðilinn til Rússlands.
Soiri fékk meðal annars íslenska landsliðsbúninginn að gjöf auk þess sem móðir hans kom í heimsókn til Íslands og hitti íslenska stuðningsmenn.
Sjálfur var Soiri síðast á mála hjá Shakhtyor Soligorsk í Hvíta-Rússlandi en hann spilar núna í Austurríki í vetur.
When writing the story of your life, dont let anybody hold the pen! Thanks @flyeralarmadmira #admirawackermödling #AustrianBundesliga pic.twitter.com/Fzv5M2RIXg
— Pyry Hidipo Soiri (@PyrySoiri) August 10, 2018
Athugasemdir