Glugginn þeirra klárast í dag þar sem félagaskipti Kurt Zouma frá Chelsea eiga enn eftir að vera staðfest. Franski miðvörðurinn kemur á láni út tímabilið.

Samkomulag náðist fyrir lok félagaskiptagluggans í gær en ekki var hægt að ganga opinberlega frá skiptunum. Það verður gert í dag.

Zouma verður 24 ára í október og er annar miðvörðurinn sem kemur inn í sumar eftir að Yerry Mina var keyptur frá Barcelona.

Mina er ekki eini leikmaðurinn til að koma frá Barca í sumar, því bakvörðurinn Lucas Digne var einnig keyptur til Everton og er portúgalski miðjumaðurinn Andre Gomes kominn á láni frá Börsungum.

Everton keypti þá Richarlison af Watford og fékk Bernard til sín frítt frá Shakhtar Donetsk.