Alisson var lykilmaður liðsins á síðasta tímabili og vann gullhanskann fyrir að halda oftast hreinu í ensku úrvalsdeildinni.

Alisson verður ekki með gegn Chelsea í leiknum um Ofurbikar Evrópu, en samkvæmt ESPN þá yfirgaf brasilíski markvörðurinn völlinn í hjólastól.

Liverpool telur að meiðslin sem eru að hrjá Alisson séu kálfameiðsli, en enn er óvitað hversu lengi hann verður. Samkvæmt frétt Goal.com þá vonast Liverpool til þess að Alisson verði frá í einhverjar vikur frekar en mánuði.

Dominic King, sem skrifar fyrir Daily Mail, talar um að Alisson verði mögulega frá í 4-6 vikur miðað við fyrstu skoðanir. Þetta á eftir að koma betur í ljós, en vonandi fyrir Liverpool þá verður hann ekki lengi frá.

Spánverjinn Adrian lék sinn fyrsta leik fyrir Liverpool í gær og hann verður í markinu gegn Chelsea.