Ásgeir Þór Ingólfsson fyrirliði Hauka
Haukar þurftu að sætta sig við svekkjandi 2-1 tap við Magna á Ásvelli í dag. Haukar sitja enn í 10. sæti deildarinnar með 14 stig en með sigrinum í dag komst Magni upp í 11. sæti og eru aðeins einu stigi á eftir Haukum.
Næsti leikur Hauka er erfiður útileikur á móti Þór og því afar svekkjandi að tapa þessum stigum.
Næsti leikur Hauka er erfiður útileikur á móti Þór og því afar svekkjandi að tapa þessum stigum.
Lestu um leikinn: Haukar 1 - 2 Magni
Ásgeir Þór Ingólfsson, fyrirliði Hauka, var ósáttur með að ná ekki marki í fyrri hálfleik og talar um leikinn sem „the beauty and pain í fótbolta".
„Þeir fengu 3 stig og við ekki neitt, þetta er beauty og painið við fótboltann að það er ekki alltaf betra liðið sem vinnur."
Haukamenn voru mjög sterkir í fyrri hálfleik og fóru varla inn á sinn eigin helming allan tímann en þráttt fyrir það endaði fyrri hálfeikur markalaus.
„Það var aðeins minni vindur í fyrri hálfleik heldur en seinni en þeir voru þéttir og það var erfitt að brjóta þá, við fengum nóg af færum til þess að skora. Ég held að þeir hafi spilað með svona 8 fyrir framan vítateiginn hjá sér fyrstu 70 mínútunar en þeir skoruðu 2 mörk."
Þorsteinn Örn Bernharðsson var borinn út af velli eftir slæmt höfuðhögg sem gæti haldið honum frá keppni í smá tíma.
"Ég hef ekkert heyrt meira af þessu en hann lenti í þungu höfuðhöggi fyrr í sumar og var frá í langan tíma og er tiltölulega nýkominn til baka en þetta lýtur ekki vel út."
Athugasemdir
