Lokatölur urðu 11-0 fyrir Breiðablik. Berglind Björg Þorvaldsdóttir gerði fjögur, Hildur Antonsdóttir og Selma Sól Magnúsdóttir tvö, Alexandra Jóhannsdóttir, Áslaug Munda Gunnlaugsdóttir og Karólína Lea Vilhjálmsdóttir eitt mark.

Í þessari forkeppni er leikið í fjögurra liða riðlum. Sigurliðið úr hverjum riðli fer í 32-liða úrslit Meistaradeildarinnar.

Breiðablik hefur unnið báða leiki sína og mun á þriðjudaginn mæta Sarajevo í hreinum úrslitaleik, en bæði lið hafa unnið báða leiki sína.

Sarajevo vann Asa Tel-Aviv 1-0 núna áðan. Jafntefli dugir því Blikum sem eru með betri markatölu.

Leikurinn gegn Sarajevo er klukkan 15:00 á þriðjudag. Sarajevo er á heimavelli þar sem riðillinn fer fram í Bosníu.