Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   lau 10. ágúst 2019 16:19
Arnar Helgi Magnússon
Danmörk: Kjartan átti þátt í markinu sem kom Vejle á bragðið
Mynd: Fótbolti.net - Hafliði Breiðfjörð
Kjartan Henry Finnbogason var á sínum stað í byrjunarliði Vejle þegar liðið mætti Vendsyssel í dönsku B-deildinni í dag.

Leiknum lauk með öruggum 3-0 sigri Vejle en Kjartan átti þátt í markinu sem að kom Vejle á bragðið í leiknum.

Hann átti þá sendingu á Serhiy Hryn sem átti fyrirgjöf inn í teig og þar var Diego Montiel búinn að koma sér vel fyrir og setti boltann í netið.

Hryn bætti við öðru marki fyrir Vejle þegar tíu mínútur voru til hálfleiks. Leikmaður Vendsyssel varð síðan fyrir því óláni að setja boltann í eigið net í upphafi síðari hálfleiks en það reyndist síðasta mark leiksins.

Þetta var fyrsti sigur Vejle í deildinni í ár en eftir þrjá leiki í deildinni er liðið með fjögur stig. Næsti leikur liðsins er gegn FC Fredricia á miðvikudag.

Athugasemdir
banner
banner
banner
banner