Rúnar Alex Rúnarsson og hans menn í Dijon töpuðu fyrir St. Etienne, 2-1, í fyrstu umferð frönsku fyrstu deildarinnar í dag.
Rúnar Alex spilaði allan leikinn fyrir Dijon en St. Etienne komst tveimur mörkum yfir á fyrstu ellefu mínútunum áður en Julio Tavares minnkaði muninn undir lok fyrri hálfleiks.
Nice vann þá Amiens 2-1 en Patrick Vieira, fyrrum leikmaður Arsenal og franska landsliðsins, er þjálfari liðsins.
Lyon vann þá Mónakó í gær, 3-0. Moussa Dembele, Memphis Depay og Lucas Tousart gerðu mörkin en Cesc Fabregas var rekinn af velli eftir aðeins hálftíma.
Paris Saint-Germain spilar þá gegn Nimes á morgun en Neymar verður ekki með liðinu. Hann virðist vera á leið frá félaginu en Real Madrid er í viðræðum við PSG.
Athugasemdir