Tottenham lenti óvænt undir á 9. mínútu með góðu marki frá John McGinn en Tottenham mætti inn í síðari hálfleikinn af krafti og náði í sigur undir lokin.

Kane skoraði tvö mörk á lokamínútum leiksins en hann var ánægður með framlag liðsins.

„Við komum inn í síðari hálfleikinn með hátt tempó og pressuðum vel á þá. Eftir markið hans Tanguy þá keyrðum við á þá og sem betur fer fékk ég tvö færi og nýtti þau," sagði Kane.

„Það er alltaf gott að ná í þrjú stig í fyrsta leik og sérstaklega á heimavelli. Við vitum að við erum með gæðin og við höfum tekið þátt í stórum leikjum en það er undir leikmönnum komið hvernig við spilum," sagði hann í lokin.