lau 10. ágúst 2019 22:13
Brynjar Ingi Erluson
Will Ferrell mætti á leik í ensku C-deildinni
Will Ferrell elskar ástríðuna í ensku C-deildinni
Will Ferrell elskar ástríðuna í ensku C-deildinni
Mynd: Getty Images
Bandaríski leikarinn Will Ferrell var óvæntur gestur á leik Portsmouth og Tranmere í ensku C-deildinni í dag.

Ferrell, sem er einn af eigendum Los Angeles FC í MLS-deildinni, er mikill knattspyrnuaðdándi en hann heldur með Chelsea í ensku úrvalsdeildinni.

Ferrell er þekktur fyrir mörg hlutverk en þá sérstaklega hlutverk Ron Burgundy í Anchorman og ekki má gleyma karakternum Ricky Bobby úr Talladega Nights.

Hann mætir reglulega á leiki á Englandi en hann var óvænt mættur að horfa á Portsmouth vinna Tranmere Rovers 2-0 í ensku C-deildinni í dag.

Michael Eisner, eigandi Portsmouth, bauð Ferrell að koma en þeir þekkjast afar vel. Eisner var eitt sinn framkvæmdastjóri Walt Disney en það fór vel á með þeim á leiknum


Athugasemdir
banner
banner
banner
banner