Erik Hamren landsliðsþjálfari vildi ekkert tjá sig um það á fréttamannafundi hvort Ísland yrði áfram í 4-4-2 leikkerfinu gegn Belgíu.

Fótbolti.net spáir því að Hamren muni þétta miðsvæðið í leiknum og Gylfi verði í holunni.

Svíinn sagði að það yrðu einhverjar breytingar á liðinu en Emil Hallfreðsson er væntanlega klár í slaginn.

Birkir Bjarnason er tæpur fyrir leikinn en ef hann verður klár er líklegt að hann verði notaður á miðsvæðinu.

Theodór Elmar og Arnór Ingvi gætu fengið tækifærið á köntunum og líklegt er að Hörður Björgvin Magnússon komi inn í vinstri bakvörðinn.