Heimild: Heimasíða Hauka
Daníel Ingvar Ingvarsson, leikmaður 3. flokks Hauka, var á dögunum á reynslu hjá enska félaginu Stoke City sem leikur í Championship deildinni þar í landi.
Daníel tók þátt í æfingum með U19 liði Stoke sem var í toppbaráttu norðurriðils Premier League U19 á síðasta tímabili og kom inn á síðustu 30 mínúturnar í leik gegn Sheffield United sem tapaðist 1-3.
Hinn 16 ára gamli Daníel var að sjálfsðögðu afar ánægður með ferðina enda mikil upplifun að æfa með jafn sögufrægu félagi og Stoke City er í enskum fótbolta, segir á heimasíðu Hauka.
Daníel samdi við knattspyrnudeild Hauka síðastliðið vor en hann hefur einnig spilað með 2. flokki félagsins í sumar og æft með meistaraflokki.
Athugasemdir
