Victor Moses til Luton (Staðfest)

Luton Town, sem spilar í ensku Championship-deildinni, tilkynnti í morgun að Victor Moses væri orðinn nýr leikmaður félagsins.

Moses hefur verið án félags frá því að samingur hans við Spartak Moskvu rann út í sumar. Þar sem hann var án félags gat hann samið við félag utan félagaskiptaglugga.

Moses er 33 ára og var í fjögur ár í Moskvu, fyrst á láni frá Chelsea en skipti svo alfarið yfir. Hann lék á sínum tíma 38 leiki fyrir Nígeríu og skoraði tólf mörk.