Arnautovic varð fyrir meiðslum í sigurleik West Ham á Everton fyrr á leiktíðinni en hefur þrátt fyrir það haldið áfram að spila fyrir liðið. Þessi 29 ára gamli leikmaður er í hóp hjá Austurríki sem mætir Norður-Írlandi á föstudaginn í Þjóðardeildinni.

„Hnéð er ekki það besta en ég er tilbúinn að spila. Ég er ekki að æfa mikið hjá West Ham til þess að reyna að róa hnéið. Þetta mun taka tíma þar sem ég er með bólgu í beininu en ég er tilbúinn til þess að spila um helgina,” sagði Arnautovic.

Eftir leik þarf ég að hvíla í tvo til þrjá daga. Um miðja viku er ég byrjaður að æfa eðlilega með liðinu. Og um helgar get ég spilað, það er það mikilvægasta.”

Austurríki spilar aðeins einn leik í Þjóðardeildinni í landsleikjahléinu sem þýðir að Arnautovic hefur tíma til þess að jafna sig fyrir nágrannaslag Tottenham og West Ham þegar enski boltinn byrjar aftur að rúlla.