Byrjunarlið Stjörnunnar og Víkings: Arnór Borg byrjar
Arnór Borg Guðjohnsen er í byrjunarliði Víkinga
Mynd: Fótbolti.net - Hafliði Breiðfjörð
Arnór Borg Guðjohnsen er í byrjunarliði Víkinga
Mynd: Fótbolti.net - Hafliði Breiðfjörð
Klukkan 19:15 flautar Ívar Orri Kristjánsson til leiks lokaleik 2.umferðar í úrslitakeppni Bestu deildarinnar þar sem Stjörnumenn taka á móti Víkingum á Samsungvellinum í Garðabæ.
Stjörnumenn vonast til þess að komast á blað í þessari úrslitakeppni og lyfta sér upp fyrir Valsmenn og að hlið KR í 4.sætið.
Víkingar reyna að halda í tölfræðilegan möguleika á að halda í við Breiðablik og geta það með sigri hér í kvöld. Ef Víkingum tekst hins vegar ekki að fara með sigur af hólmi i kvöld er ljóst að Breiðablik stendur uppi sem sigurvegari Bestu deildar karla.
Byrjunarliðin eru klár og má sjá hér fyrir neðan.
Stjörnumenn gera tvær breytingar á sínu liði frá leiknum gegn Breiðablik í 1.umferð en inn koma Daníel Finns Matthíasson og Kjartan Már Kjartansson fyrir Þórarinn Inga Valdimarsson og Eggert Aron Guðmundsson.
Víkingar gera þá þrjár breytingar á sínu liði frá sigrinum gegn Val en inn koma Viktor Örlygur Andrason, Arnór Borg Guðjohnsen og Danijel Dejan Djuric fyrir Helga Guðjónsson, Júlíus Magnússon og Birnir Snær Ingason.
