Ari Freyr Skúlason lék allan leikinn fyrir Lokeren þegar liðið tapaði gegn Zulte Waregem í belgísku úrvalsdeildinni í kvöld.
Leikurinn fór fram á heimavelli Zulte Waregem sem var á botni deildarinnar fyrir leikinn.
Staðan var 0-0 alveg fram á 87. mínútu en þá kom Nill de Pauw Zulte Waregem yfir. De Pauw var aftur á ferðinni í uppbóartíma og lokatölur 2-0 fyrir Zulte Waregem sem spyrnir sér frá botninum en Lokeren er í næst neðsta sæti.
Þetta var annar leikur Norðmannsins Trond Sollied með Lokeren en sá fyrsti endaði með 2-0 sigri gegn AS Eupen.
Ari Freyr er í íslenska landsliðshópnum sem mætir Belgíu í Þjóðadeildinni á fimmtudag og Katar í vináttulandsleik nokkrum dögum síðar. Báðir leikirnir fara fram í belgíu.
Athugasemdir
