Magnað myndband frá King Power vellinum
Eigandi Leicester, Vichai Srivaddhanaprabha, lést í þyrluslysi fyrir utan heimavöll liðsins fyrir tveimur vikum síðan. Fjórir aðrir létust ásamt Vichai í slysinu.
Leicester lék í dag sinn fyrsta heimaleik frá slysinu þegar liðið gerði markalaust jafntefli gegn Burnley.
Andrúmsloftið var tilfinningaþrungið á King Power-leikvanginum á leiknum.
Fallegt myndband var sýnt fyrir leikinn til minningar um Vichai sem var elskaður og dáður af stuðningsmönnum Leicester. Nigel Pearson og Claudio Ranieri, tveir af fyrrum stjórum Leicester, voru í stúkunni. Ranieri var Englandsmeistaratitilinn með Leicester árið 2016. Það er ein af ótrúlegustu sögum fótboltans og átti Vichai stóran þátt í því ótrúlega afreki.
Hér að neðan má sjá viðbrögð stuðningsmanna Leicester við myndbandinu. Margir grétu. Einnig má sjá myndbandið sjálft.
In loving memory of Vichai Srivaddhanaprabha. pic.twitter.com/kFui3vSo3r
— Leicester City (@LCFC) November 10, 2018
Beautiful. pic.twitter.com/fNLh189yCg
— Leicester City (@LCFC) November 10, 2018
Gengu til heiðurs þeirra látnu
Reist verður stytta af Vichai fyrir utan King Power-leikvanginn. Það var tilkynnt í gær.
Fyrir leikinn gegn Burnley í dag gengu þúsundir stuðningsmanna Leicester að vellinum til heiðurs þeirra sem létust í slysinu.
Gangan fékk heitið „5,000-1" en það er tilvitnun í líkurnar sem gefnar voru á því að Leicester myndi verða Englandsmeistari 2015/16 sem varð svo raunin.
Nokkrir leikmenn Leicester, þar á meðal Harry Maguire, tóku þátt í göngunni.
Leicester City players, including Harry Maguire, join thousands of fans in marching from city centre to the King Power Stadium in memory of the victims of the helicopter crash two weeks ago. #foxes @BBCNews pic.twitter.com/wGmgmDbT2j
— Navtej Johal (@NavtejJohal) November 10, 2018
Vilja meina að regnboginn sé merki
Regnbogi myndaðist við heimavöll Leicester í dag.
Af því náðist mjög falleg mynd en stuðningsmenn Leicester vilja meina að þetta sé einhvers konar merki.
Mynd er hér að neðan.
A rainbow appeared above the King Power earlier ahead of Leicester’s first game since Khun Vichai died 🙏 pic.twitter.com/qR6SaxosuG
— talkSPORT (@talkSPORT) November 10, 2018
Here’s to you Mr Chairman, Leicester loves you more than you will know 🎵 💙 pic.twitter.com/JHpWUO1omy
— Harry Maguire (@HarryMaguire93) November 10, 2018
Athugasemdir