Fréttir bárust af því í gær að John W. Henry, eigandi Liverpool, væri að reyna að selja félagið.
New York Post var einn af miðlunum sem heldur þessu fram og segir þar að Henry vilji fá 2 milljarða dollara fyrir félagið. Hann keypti Liverpool fyrir tæplega 450 milljónir dollara árið 2010.
Nú hefur Fenway Sports Group, sem er í eigu Henry, neitað því að Liverpool sé til sölu.
„Félagið er ekki til sölu," sagði talsmaður Liverpool að því er kemur fram á Goal.com.
Síðan Fenway Sports Group tók yfir Liverpool hefur miklum peningi verið eytt hjá félaginu, bæði í leikmenn og í annað. Til að mynda var Anfield stækkaður.
Liverpool er sem stendur taplaust í ensku úrvalsdeildinni en liðið mætir Fulham á morgun.
Athugasemdir
