fim 10. nóvember 2022 19:40
Jóhann Þór Hólmgrímsson
Emery: Frábært tækifæri til að sanna okkur
Mynd: Getty Images

Unai Emery stýrir Aston Villa í annað sinn í kvöld gegn Manchester United á Old Trafford í enska deildabikarnum. Liðin mættust á Villa Park í deildinni um helgina í fyrsta leik Emery.


Emery sagði þegar hann var kynntur sem stjóri Aston Villa að hann vildi vinna bikar með félaginu. Lið á borð við Chelsea, Tottenham og Arsenal féllu úr leik í gær.

Hann var til viðtals hjá Sky Sports fyrir leikinn í kvöld og var spurður hvort það væri tækifæri fyrir Villa liðið að vinna deildabikarinn.

„Það er mikilvægt að taka einn leik í einu, ég þarf tíma til að bæta liðið og ná stöðugleika til að vera samkeppnishæft lið. Það er frábært tækifæri í kvöld til að sanna okkur," sagði Emery.


Athugasemdir
banner
banner