Egypski sóknarmaðurinn Omar Marmoush skoraði og lagði upp er Eintracht Frankfurt vann Stuttgart, 3-2, í 10. umferð þýsku deildarinnar í dag.
Marmoush hefur verið glóðheitur með Frankfurt á tímabilinu og varð engin breyting á því í leik dagsins.
Stuttgart-menn fengu gullið tækifæri til að taka forystuna í leiknum er brotið var á Ermedin Demirovic í teignum. Hann fór sjálfur á punktinn en Kevin Trapp varði slaka spyrnu framherjans.
Frankfurt tók forystuna undir lok hálfleiksins. Marmoush kom með hornspyrnuna á nær á Hugo Ekitike sem stangaði boltann af krafti í netið.
Nathaniel Brown gerði annað markið eftir góðan sprett Ansgar Knauff. Boltinn datt fyrir Brown í teignum sem skoraði með góðu skoti.
Hinn umtalaði Marmoush skoraði gersamlega sturlað mark úr aukaspyrnu af 30 metra færi sjö mínútum síðar. Ellefta mark hans í deildinni og þriðja aukaspyrnan sem hann skorar í þessari viku!
Stuttgart tókst að skora tvö mörk á lokamínútunum. Josha Vagnoman átti skot sem fór af varnarmanni og yfir Trapp í markinu áður en Nick Woltemade gerði annað markið af stuttu færi. Þessi stóri og sterki framhejri náði að skýla boltanum áður en hann lagði boltann í hægra hornið.
Lokatölur 3-2 fyrir Frankfurt sem er í 3. sæti með 20 stig en Stuttgart í 11. sæti með aðeins 13 stig.
Augsburg og Hoffenheim gerðu markalaust jafntefli og þá vann Werder Bremen góðan 3-1 sigur á Heidenheim.
Stuttgart 2 - 3 Eintracht Frankfurt
0-0 Ermedin Demirovic ('22 , Misnotað víti)
0-1 Hugo Ekitike ('45 )
0-2 Nathaniel Brown ('55 )
0-3 Omar Marmoush ('62 )
1-3 Josha Vagnoman ('86 )
2-3 Nick Woltemade ('90 )
Heidenheim 1 - 3 Wolfsburg
0-1 Yannick Gerhardt ('3 )
0-2 Bence Dardai ('42 )
1-2 Marvin Pieringer ('64 )
1-3 Tomas Tiago ('90 )
Augsburg 0 - 0 Hoffenheim
Stöðutaflan
Þýskaland
Bundesliga - karlar
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 22 | 18 | 3 | 1 | 82 | 19 | +63 | 57 |
| 2 | Dortmund | 22 | 15 | 6 | 1 | 47 | 20 | +27 | 51 |
| 3 | Hoffenheim | 22 | 14 | 3 | 5 | 47 | 28 | +19 | 45 |
| 4 | Stuttgart | 22 | 13 | 3 | 6 | 41 | 29 | +12 | 42 |
| 5 | RB Leipzig | 22 | 12 | 4 | 6 | 42 | 30 | +12 | 40 |
| 6 | Leverkusen | 21 | 12 | 3 | 6 | 43 | 27 | +16 | 39 |
| 7 | Frankfurt | 22 | 8 | 7 | 7 | 44 | 46 | -2 | 31 |
| 8 | Freiburg | 22 | 8 | 6 | 8 | 32 | 36 | -4 | 30 |
| 9 | Hamburger | 21 | 6 | 7 | 8 | 24 | 31 | -7 | 25 |
| 10 | Union Berlin | 22 | 6 | 7 | 9 | 28 | 37 | -9 | 25 |
| 11 | Augsburg | 22 | 7 | 4 | 11 | 25 | 39 | -14 | 25 |
| 12 | Köln | 22 | 6 | 5 | 11 | 31 | 37 | -6 | 23 |
| 13 | Gladbach | 22 | 5 | 7 | 10 | 25 | 37 | -12 | 22 |
| 14 | Mainz | 22 | 5 | 6 | 11 | 25 | 37 | -12 | 21 |
| 15 | Wolfsburg | 22 | 5 | 5 | 12 | 31 | 46 | -15 | 20 |
| 16 | Werder | 22 | 4 | 7 | 11 | 22 | 42 | -20 | 19 |
| 17 | St. Pauli | 22 | 4 | 5 | 13 | 20 | 39 | -19 | 17 |
| 18 | Heidenheim | 22 | 3 | 4 | 15 | 19 | 48 | -29 | 13 |
Athugasemdir
