Landsliðsframherjinn Alfreð Finnbogason er í æfingaferð með þýska félaginu Augsburg á Alíkante á Spáni á meðan íslenska landsliðið er í Katar. Alfreð er ekki í íslenska landsliðshópnum þar sem þetta verkefni er utan alþjóðlegra leikdaga.
Það er vetrarfrí í þýsku úrvalsdeildinni og fór því Augsburg til Spánar.
Augsburg spilaði í dag æfingaleik við belgíska félagið Antwerpen, reyndar tvo æfingaleiki og voru þeir klukkutími hver. Alfreð spilaði í fyrri æfingaleiknum og var með fyrirliðabandið í leiknum.
Með fyrirliðabandið skoraði Alfreð tvennu í 3-0 sigri Augsburg í fyrri æfingaleiknum. Augsburg tapaði seinni æfingaleiknum 1-0.
Augsburg hefur aftur leik í þýsku úrvalsdeildinni 19. janúar og mætir þá Fortuna Dusseldorf á heimavelli. Augsburg er í 15. sæti, en Alfreð er kominn með sjö mörk í 10 leikjum í deildinni.
Ísland er þessa stundina að spila við Svíþjóð í Katar, en til að fara í beina textalýsingu - smelltu þá hér.
#FCA have won the first friendly 3-0! 👏
— FC Augsburg English (@FCA_World) January 11, 2019
⚽ @A_Finnbogason (44')
⚽ Own Goal (55')
⚽ @A_Finnbogason (58')
The second friendly will begin shortly live on Facebook and YouTube ⏱️#FCAinAlicante ❤️💚⚪ pic.twitter.com/oLPqPRCZWd
Athugasemdir