Jón Dagur Þorsteinsson skoraði jöfnunarmark Íslands í kvöld. Hér fagnar íslenska liðið markinu.
Jón Dagur Þorsteinsson skoraði sitt fyrsta landsliðsmark þegar Ísland gerði jafntefli gegn Svíþjóð í vináttulandsleik í Katar í kvöld.
Lestu um leikinn: Ísland 2 - 2 Svíþjóð
Jón Dagur kom inn á sem varamaður og hann jafnaði í 2-2 mjög seint í leiknum.
Jón Dagur er tvítugur en hann var að spila sinn þriðja landsleik.
„Það var mjög góð tilfinning að sjá hann fara í markið og jafna leikinn. Við gáfum þeim þetta, ódýrt. Við fengum betri færi í leiknum," sagði Jón Dagur við Fótbolta.net eftir leikinn.
„Mér fannst þetta klaufalegt. Þeir voru mikið með boltann, en við fengum hættulegri færi. Það var gott að jafna þetta í endann."
Það var fámennt á Khalifa leikvanginum í dag, en þetta er eini HM völlurinn sem er tilbúinn fyrir HM 2022 sem Katar heldur.
„Það var ekki mikil stemning í stúkunni, en grasið var gott. Þetta var mjög gaman."
„Nú förum við í Fortnite," sagði Jón Dagur, en leikmenn hafa verið að leika sér í tölvuleiknum vinsæla þegar stund er á milli stríða í æfingaferðinni í Katar.
Viðtalið má sjá í heild sinni hér að ofan.
Athugasemdir
