Fótboltaaðdáendur í Ástralíu sýna Hakeem stuðning.
Fótboltamanninn Hakeem al-Araibi losnaði í dag úr fangelsi í Taílandi en þar hefur honum verið haldið síðan í nóvember síðastliðnum.
Araibi óttaðist að verða pyntaður og jafnvel myrtur ef hann yrði sendur aftur til heimalandsins, Barein.
Alaraibi var handtekinn í Barein árið 2012, sakaður um skemmdarverk á lögreglustöð í landinu, en fékk pólitískt hæli í Ástralíu fimm árum síðar. Þar hefur hann leikið með B-deildarliðinu Pascoe Vale FC.
Alaraibi er sagður hafa verið að keppa í fótboltaleik í Barein þegar skemmdarverkin eiga að hafa verið unnin. Hann var svo að ferðast með eiginkonu sinni í Taílandi þegar hann var handtekinn í lok nóvember síðastliðnum.
FIFA blandaði sér meðal annars í málið og óskaði eftir að Araibi yrði ekki framseldur aftur til Barein.
„Það er engin grundvöllur fyrir því að halda honum lengur. Hann á rétt á því að ákveða hvert hann fer næst. Hann er frjáls maður," sagði Chatchom Akapin hjá lögreglunni í Taílandi í dag.
Athugasemdir
