Aritz Aduriz fagnar nýja fyrirkomulaginu í spænska bikarnum
Aritz Aduriz, framherji Athletic Bilbao, er ánægður með fyrirkomulagið í spænska bikarnum og segir það gefa minni liðunum betra tækifæri á að komast lengra í keppninni.
Aduriz er 39 ára gamall og mun leggja skóna á hilluna eftir þetta tímabil en hann hefur gert eitt mark í tólf leikjum á þessari leiktíð.
Hann hefur þrisvar farið í úrslitaleik spænska bikarsins en í öll skiptin tapaði liðið fyrir Barcelona.
Fyrirkomulag spænska bikarsins var háttað þannig að liðin mættust í tveimur leikjum en nú er búið að breyta fyrirkomulaginu í einn leik, sem gefur minni liðunum betri líkur á að komast lengra.
Bilbao mætir erkifjendum þeirra í Real Sociedad í úrslitaleik bikarsins.
„Nýja fyrirkomulagi gefur þessu meira vægi. Við erum orðnir svolítið þreyttir á að sjá Barcelona og Real Madrid vinna allt," sagði Aduriz.
„Það hefur verið draumur mínn að vinna bikarinn í langan tíma og það var óraunverulegt í byrjun en við gætum verið nær því núna, þó leikurinn verði erfiður."
„Ímyndaðu þér að leggja skóna á hilluna eftir þetta tímabil og vinna bikar. Það er draumur allra," sagði hann í lokin.
Athugasemdir
