Fabio Cannavaro, fyrrum leikmaður ítalska landsliðsins, telur að Lazio hafi ekki breiddina til að keppa við Inter og Juventus um ítalska meistaratitilinn til loka tímabils.

Spennan á Ítalíu er mikil þar sem Juventus og Inter eru með sama stigafjölda á toppnum og Lazio einu stigi eftir.

Lazio mætir Inter á fimmtudagskvöld.

„Lazio er með Ciro Immobile sem er magnaður í að klára færin svo er sköpunarmáttur Luis Alberto gulls ígildi. Þá er varnarlínan ákaflega traust," segir Cannavaro.

„En breiddin í hópnum hjá þeim er ekki sú sama og hjá keppinautunum. Það vantar gæði í varamennina og þess vegna held ég að þeir haldi þetta ekki út."

„Leikurinn á sunnudaginn mun hjálpa Lazio að sjá hversu langt liðið getur farið."

Spáir Börsungum sigri
Cannavaro lék meðal annars með Napoli á ferli sínum en félagið er nú komið í 16-liða úrslit Meistaradeildarinnar þar sem framundan er tveggja leikja einvígi við Barcelona.

„Katalónarnir eru líklegri. Lionel Messi gæti skorað fimm mörk í þessu einvígi eða átt þrjár stoðsendingar í leik eins og hann átti gegn Sevilla á sunnudag," segir Cannavaro.

„Ég tel meiri líkur á því að Atalanta komist áfram gegn Valencia."

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit