HK/Víkingur hefur framlengt samning við Örnu Eiríksdóttur, sem er fædd árið 2002.
Arna lék með einu allra sigursælasta lið yngri flokka, sem Víkingur hefur alið.
Arna hefur átt fast sæti í úrtakshópum yngri landsliða um árabil og á hún fjölda landsleikja bæði með U16 og U17, eða samtals 15 leiki. Hún spilaði svo sína fyrstu leik með U19 nú í vetur, aðeins 16 ára.
Arna lék sinn fyrsta leik með meistaraflokki HK/Víkings í byrjun árs 2017 og var í leikmannahópi liðsins sem tryggði sér deildarmeistaratitil 1. deildar þá um haustið. Hún spilaði 10 leiki í Pepsi-deildinni í fyrra og alls 20 leiki á síðasta tímabili. Alls hefur hún nú spilað 30 leiki með meistaraflokki, enn á yngsta ári í 2. flokki.
Arna hefur lengst af spilað sem miðjumaður eða miðvörður, en hún er liðtæk í flestar stöður eins og mörkin þrjú með U17 og aragrúi marka með yngri flokkum Víkings bera glöggt vitni.
„Það er HK/Víkingi mikið gleðiefni að hafa endurnýjað samning við Örnu og mikið tilhlökkunarefni að fylgjast með henni á vellinum í sumar," segir í tilkynningu frá HK/Víkingi.
Penninn hefur verið á lofti hjá HK/Víkingi á undirbúningstímabilinu eins og sjá má til dæmis hér og hér.
HK/Víkingur hafnaði í sjöunda sæti Pepsi-deildar kvenna á síðasta tímabili.
Athugasemdir